Á blaðsíðu 100 í jólablaði Fréttablaðsins gef ég uppskrift af uppáhaldseftirrétti dætra minna.
Fersk ber með berjasósu og mascarpone ostakremi
Áætlað fyrir sex fullorðna.
Innihald:
- 250 g mascarpone.
- 1 askja.
- 1 dl sýrður rjómi.
- 50 g pálmasykur
- 1 stk vanillustöng
- 250 ml rjómi.
Aðferð:
- Léttþeytið rjómann.
- Osturinn, sýrði rjóminn, sykurinn og innan úr vanillunni sett í matvinnsluvél.
- Blandað saman þar til allir kekkir eru farnir.
- Tekur ca ½ mín
- Blandið saman við rjómann.
- Notið sleikju.
Berjasósa
Innihald:
- 200 gr. bláber.
- Ég nota frosin.
- 1 msk. pálmasykur.
- 2 tsk. chiafræ.
Aðferð:
- Setjið berin og pálmasykurinn í pott.
- Sjóðið saman við vægan hita í fimm mínútur.
- Hrærið í og stappið með sleif.
- Bætið chiafræum saman við í lokin.
- Látið kólna.
Ég nota oftast fersk jarðar og bláber. Það er ekki síður að nota aðra ferska ávexti s.s. mangó, banana og melónu.
Raðið saman annað hvort í litlar desert skálar eða stóra fallega glerská. Setjið berjasósuna neðst, þá kemur mascarpone kremið, ofan á fersk niðurskorin ber, aftur mascarpone kremið og ferskir ávextir á toppinn.
Í stóru skálina gerði ég tvöfaldan skammt og dugar hann fyrir tólf manns.
Njótið.
